21 лютага ў Міжнародны дзень роднай мовы вучні 9 "Б" класа прынялі ўдзел у медыя-віктарыне "Ад зерня - колас, ад слова - мова" , якая прайшла ў Дзіцячай бібліятэцы. Юнакі і дзяўчаты адказвалі на складаныя пытанні, адгадвалі загадкі, перакладалі словы з рускай мовы на беларускую, пазнавалі беларускіх пісьменнікаў і песні на беларускай мове. З невялікім адрывам перамагла каманда дзяўчат. Усім удзельнікам вельмі спадабалася віктарына, якая дапамагла з карысцю правесці вольны час і ўзняць настрой.